tag:blogger.com,1999:blog-17722724.post-44136071952076070012008-04-24T14:23:00.005+02:002008-07-20T12:28:20.003+02:00<div style="text-align: center;">La steloj desegnas vojojn sur la nokta ĉielo<br />dum la suspiroj elfluas el fontano de palaco.<br />Sonĝoj batas en via tremanta brusto<br />dum la luno pentras arĝentajn havenojn trans la maro.<br /><br />Ĉevaloj faldas siajn perlamotajn flugilojn<br />kaj rigardas landlimojn,<br />trinkas sunradiojn tra la branĉaro de alia ĝardeno,<br />sub aliaj matenruĝaj nuboj.<br /><br />La fontano kantas ankoraŭ<br />sub blankaj floretoj de sama mirto,<br />ĉu vi memoras vesperiĝojn ĉe palaco?<br /><br />Ĉu vi aŭdis ie pli belkantantan akvon<br />sub la serena aŭroro de printempo?<br /><br />Ĉu vi premis iam pli dolĉan kison<br />sur alian vangon?<br /><br />Kial vi sonĝas pri<br />marbordoj de smeraldaj insuloj<br />dum la lunarko rebrilas<br />en orkoloraj kupoloj?<br /><br />Eĥoj de forgesitaj voĉoj<br />resonas en antikvaj koridoroj<br />dum sur viaj fingroj nur restas<br />polveto el flugiloj de nokta papilio.<br /><br />Ĉu vi memoras,<br />kiel miaj manoj fariĝis kolombinoj<br />por danci la kanton de la fontano<br />dum vi zumis por mi la melodion<br />de fluanta akvo en la dormanta ŝtono?<br /><br />Mia kaptuko falis<br />kaj la vento malkombis mian hararon<br />dum vi min ne rigardis,<br />dum vi sonĝis pri rajdi flugilan ĉevalon<br />al krepuska montaro.<br /><br />Noktuoj ululis al mortanta suno<br />ŝvebanta super reverdiĝanta kamparo<br />dum viaj manoj fariĝis mevoj<br />serĉantaj brunan sablon de aliaj plaĝoj.<br /><br />Ĉu vi memoras ankoraŭ<br />la akvo-kanton de fontano<br />inter florantaj mirtoj printempe?<br /><br />Ĉu vi memoras<br />la ĝardenojn de palaco?<br /><br />Tie, kie iam vi sonĝis<br />pri foraj marbordoj de verdaj insuloj.<br /><br />Tie, kie la sonĝo<br />sin miksas kun maldormo.<br /><br />Tie, kie la fontano daŭre kantas…<br /><br /><br /><a onblur="try {parent.deselectBloggerImageGracefully();} catch(e) {}" href="http://www.policiaronda.com/IMAGES/ronda/Mondragon.jpg"><img style="cursor: pointer; width: 400px;" src="http://www.policiaronda.com/IMAGES/ronda/Mondragon.jpg" alt="" border="0" /></a><span style="font-size:85%;"><span style="font-style: italic;"></span></span><br /><span style="font-size:85%;"><span style="font-style: italic;"></span></span></div><div style="text-align: right;"><span style="font-size:85%;"><span style="font-style: italic;">Fotaĵo trovita </span><a style="font-style: italic;" href="http://www.policiaronda.com/galeria_imagenes.htm">ĉi tie</a><span style="font-style: italic;"><br />pri "la Palaco de Mondragono", en <a href="http://eo.wikipedia.org/wiki/Ronda">Arundo</a>.<br /><br /><br /></span></span></div>Fátimahttp://www.blogger.com/profile/17080006410992621293noreply@blogger.com